Schumer: Netanyahu amepoteza mwelekeo na kikwazo cha amani

Schumer, ambaye ni afisa wa kwanza wa ngazi za juu zaidi nchini Marekani, mwenye asili ya Uyahudi amemkosoa vikali Netanyahu katika hotuba yake ya dakika 40, mapema jana Alhamisi.

Amesema ingawa ana mapenzi na Israel, lakini hatua ya Netanyahu ya kuunda serikali na vyama vya mrengo mkali wa kulia na imemsukuma kukubali kuwaumiza watu wa Gaza na kwa upande mwingine upoteza kwa kiasi kikubwa uungwaji mkono wa kimataifa.

Ingawa amekiri kitisho kikubwa kinachoikabili Israel, lakini amesema watu wa Gaza hawastahili kuteseka kutokana na makosa ya Hamas na Israel na Marekani wanawajibika kimaadili kuwalinda raia.