Europeo:
Azilkërkues turq në Gjermani: Vitin e kaluar erdhën nga Turqia në Gjermani më shumë se 60.000 vetë. Tre janë arsyet kryesore pse turqit largohen nga vendi: nevoja ekonomike, zhgënjimi nga politika e Erdoganit, ose përndjekja nga autoritetet turke. Por shumë pak personave nga Turqia iu njihet azili në Gjermani.
Rusët në Serbi: Para 5 vjetësh rusja Elena Koposova u largua me familjen nga Rusia dhe filloi një jetë të re në Serbi. Por tani papritur ajo konsiderohet "rrezik sigurie për Serbinë" dhe nuk i jepet leja e qëndrimit. Koposova beson se kjo ka lidhje me solidaritetin që ajo tregon në lidhje me Ukrainën. Po kthehen në pengesë për ekzilantët rusë lidhet e ngushta të Beogradit me Moskën?
Protesta kundër drithërave ukrainase: Fermerët polakë prej javësh protestojnë -kundër marrëveshjes së gjelbër të BE, kundër kufijve të hapur me Ukrainën dhe drithërave të lira prej andej. Protestat i kanë shtuar tensionet me Kievit dhe Varshavës. Por a po instrumentalizohen këto protesta politikisht?
Shija franceze: Kruasanti -ky specialiet i njohur francez është i preferuar përtej kufijve të Francës. Por shumë vetë besojnë se kruasantin perfekt mund ta gjesh vetëm në Francë. E kush shijon kruasantët e Adrien Ozaneaux nuk ka rrugë tjetër veç ta konfirmojë këtë. Jo më kot ai është kruasantpjekësi më i mirë i Francës.