Зеленски во Молдавија: Украина е подготвена за НАТО
1 јуни 2023
Претседателот на Украина, Володимир Зеленски, дека неговото доаѓање на самитот на Европската политичка заедница е порака дека Украина ја поддржува за Молдавија.
Зеленски, по пристигнувањето во замокот Мими, во местото Булбоака, 35 километри од Кишињев, рече дека двете земји поминале низ историјата рамо до рамо и изрази благодарност до молдавската претседателка Маја Санду што ги прифатила бегалците од Украина.
„Нашата иднина е во ЕУ. Украина е подготвена да биде дел од НАТО“, изјави Зеленски за новинарите.
Истовремено украинскиот претседател нагласи дека Киев сака да добие јасна одлука за својата иднина во НАТО, кога лидерите на земјите членки на Алијансата ќе се сретнат на самитот во Вилнус, Литванија во јули.
Тој повторно побара поголема воена помош за неговата земја, во прв ред противвоздушни одбранбени системи и борбени авиони, со оглед на зачестените руски воздушни напади врз украинските градови.
Според Зеленски, безбедносните гаранции се важни поради руската агресија врз Украина и потенцијалните напади врз други земји.
Украинскиот претседател рече дека генералниот секретар на НАТО, Јенс Столтенберг, го поддржува, но дека се потребни сите сили и сојузници.
„Мирот може да се постигне или со победа на Украина или со повлекување на Русија“, нагласи Зеленски
Заблагодарувајќи му се на Зеленски за учеството на самитот на Европската политичка заедница, молдавската претседателка Маја Санду оцени дека е многу важно што тој е учесник на средбата, од која ќе биде испратена порака за осуда на руската агресија и солидарност со Украина.
Санду рече дека разговарале за заеднички инфраструктурни проекти и за европската иднина на двете земји.
Таа порача дека Молдавија го почитува територијалниот интегритет и суверенитет на Украина, како и идејата за формирање посебен трибунал за злосторствата во Украина.
„Инвестирајте во нашите земји, верувајте во нашите земји“, рече Санду.